شهفهق/ ئئتلاف فراكسیۆنهیل كوردستانى دویهكه ئاشكرایهو كرد ك ئهگهر بڕێگ لایهنهیل دریژه بیهنه دژایهتى كردن مللهت كورد
لهوانهیش داشتن دهستور, سهركردایهتى كورد له ئعلان سهروهخوهیى ههرێم كوردستان نزیكترهو بوود و له سهرجهم هێز و لایهنهیل سیاسییش داواكردگه رێز له ئرادهى مللهت كورد بگرێ.
ئهندام ئئتلاف فراكسیۆنهیل كوردستانى ئهشواق جاف له تهسریحیگ ئهرا شهفهق نیوز وتگه: ههرێم كوردستان ماف داشتن دهستور دیرى و ئى باوهتیشه له ماددهى 120 دهستور عراقى چهسپیاگه و یهیش خستگهسه روى ك سهركردایهتى كورد پابهنده وهسهرجهم مادده و بڕگهیل دهستور عراقى و جیوهجى كردنیان جوور خوهیان.
جاف زیاتر ئاشكرایهو كردگه ك كورد مكوڕه له بان ئهوهگ دهستوریگ تایبهت وهخوهى داشتوود وهلى بڕێگ لایهنهیل تهقالا كهن كورد لهى ماف رهواى خوهیه بیبهش بكهن و ئامانجیان لهى كاره دهس وهشانن له دهسكهفتهیل ههرێم كوردستانه له بوارهیل سیاسى و ئابوورى و كومهڵایهتى و ئهمنى و له بان یهیش داكووكى كردگه ك دهستور ههرێم وهچهواشهى دهستور عراقى نیه.
جى باسه سهروك پهرلهمان كوردستان كهمال كهركوكى ههفتهى گوزهیشته خوازیار ئهوه بوى وهرجله ههر راسهوكردنیگ دهستور ههرێم بخریهێده راپرسى و مهردم رهئى خوهیان له باوهتى بیهن.
| < پێشتر | دواتر > |
|---|
