شهفهق/ لیست عراقیه تهئكید كردگه ك وهردهوامى قهیران سیاسى و چارهسهر نهكردنى
بووده بایس ئهوهگ دانیشتن سهران وڵاتهیل عهرهب له مانگ ئازار ئاینده له بهغدا ساز نهكریهێ و یهیش خستگهسه روى ك سوریا باج ئى قهیران سیاسیه ئهیاد.هانى عاشور راوێژكار لیست عراقیه له تهسریحیگ رووژنامهگهرى ك كۆپییگى ئهرا شهفهق نیوز كل كریاگه وتگه: چارهسهر نهكردن قهیران سیاسى ئیسهى عراق پهیام نائومیدى رهسنێده وڵاتهیل عهرهب له باوهت وهرپا كردن كۆنفرانس سهران وڵاتهیل عهرهب له مانگ ئازار ئاینده و یهیش بووده بایس توندهو بوین قهیران سوریا ك ئومید چارهسهر كردنى لهى كۆنفرانسه كریهێ.
عاشور زیاتر وتگه: قهیران ئیسهى وڵات نیشانهى پاشاگهردانى سیاسى لهعراقه و ناتهویهنێ سیاسیهیل عراقى ئهرا یهكخستن وتاریان له باوهت قهیرانهیل ناوخوهیى نیشان بیاد و یهیش وهماناى ئهوه ك عراقیهیل نیهتویهنن له كۆنفرانس سهران وڵاتهیل عهرهب قهیرانهیل و كیشهیل عهرهبى چارهسهر بكهن و جوور سهروك كۆنفرانسهگه سهركردایهتى كار هاوبهش عهرهبى بكهن.
جى باسه بڕیاره بهغدا له مانگ ئازار ئاینده میواندارى كۆنفرانس سهران وڵاتهیل عهرهبى بكا.
| < پێشتر | دواتر > |
|---|
