شهفهق/ له وهختیگ تهقالایل ههرسێ سهروكایهتى عراق ئهرا وهرپا كردن كۆنفرانس
نیشتمانى وهردهوامه و سهرجهم لایهنهیل لهبان وهرپا كردنى ئهرا چارهسهر كردن قهیران سیاسى عراق تهئكید كهن, بڕێگ له كهسایهتیهیل سیاسى ههر له ئیسهوه وهراوهر بهشدارى نهكردنیان جوور شهخس له كۆنفرانسهگه تیهرن.سهرچهوهیل پهرلهمانى وه شهفهق نیوز وتنه، تاڵهبانى هاتهما وهرجله ساز كردن كۆنفرانس نیشتمانى گشتى, دانیشتنیگ ئهرا سهران فراكسیۆنهیل سیاسى وهرپا بكا.
عادل بهروارى راوێژكار نورى مالكى سهروك حكوومهت له كاروبار ههرێم كوردستانیش له تهسریحیگ ئهرا شهفهق نیوز وتگه: وهلهوهرچهو گردن پێشهاتهیل نوو پروسهى سیاسى لیژنهیگ ئامادهكارى له ههر سێ فراكسۆن سهرهكى (هاوپهیمانى نیشتمانى و هاوپهیمانى كوردستانى و عراقیه) دامهزریاگه ئهرا پهیا كردن میكانیزم گفتوگوو و نزیكهو كردن دیدگاگان ئهرا وهرپا كردن كۆنگرهگه.
جى باسه وهگورهى قسهى چهودیرهیل سیاسی ئهگهر ئهو كۆنگرهى نیشتمانیه ك بڕیاره وهى زویه وهرپا بكریهێ نهتویهنێ ناكووكیهگان چارهسهر بكا, پروسهى سیاسى عراق وهرهو داڕمیان راسكانى ئهچێ.
| < پێشتر | دواتر > |
|---|
