شهفهق/ فراكسیۆن حهل سهر وه لیست عراقیه خهوهر كاندید كردن سهروك
فراكسیۆنهگه جهمال كهربولى ئهرا دانانى له پۆستهگهى ساڵح موتڵهگ جیگر سهروك وهزیرهیل خستگهسه دروو و بڵاوهوكردن چنه خهوهریگ وهتهقالا ئهرا ناكووكى خستنه ناو لیست عراقیه له قهڵهم داگه. ئهحمهد مسارى یهكیگ له سهركردهیل فراكسیۆن حهل وه شهفهق نیوز وتگه: خهوهر ئاڵشت كردن موتڵهگ وهكهربولى راس نییه و ئیمه جوور فراكسیۆن حهل خهوهر له چنه بڕیاریگ نهیریم و ئهگهر عراقیه بخوازێ پۆستهگهى موتڵهگ بیهێده كهسیگ تر خوهى بڕیار ئهیاد.
مسارى جهخت كردگه ك جهمال كهربولى وهتهما نیه له حكوومهت ئى دهوره بهشدارى بكا و بڵاو كردن خهوهر ئاڵشت كردن موتڵهگ راس نییه و یهیش خستگهسه روى ك بڵاوهو كردن چنه خهوهرهیلیگ ئهرا وهدیهاوردن ناكووكى له ناونى لایهنهیل پێكهاوهر لیست عراقیهس.
جى باسه سهرچهوهیل رهسانن پیرهكه ئاشكرایهو كردن ك نورى مالكى سهروك وهزیرهیل پهیوهندى كردگهسه جهمال كهربولى سهروك فراكسیۆن حهل و لهلى تواستگه لهجى ساڵح موتڵهگ پۆست جیگر سهروك وهزیرهیل بگرێده دهس.
| < پێشتر | دواتر > |
|---|
