شهفهق/ فراكسیۆن چهرمگ داكووكى كردگه ك ئهگهر حكوومهت ههرێم كوردستان
تارق هاشمى جیگر سهروك كومار رادهس یا تهسلیم دهزگاى دادوهرى له بهغدا نهكا وهسهرپیچى له یاسا له قهڵهم دریهێ و وهیهیش ئاماژه كردگه ك ههر بڕیاریگ قهزایى له بهغدا دهربچوود ههرێم كوردستانیش بایهد جیوهجیى بكا. ئهندام فراكسیۆن چهرمگ له پهرلهمان عراق عالیه نسهیف له تهسریحیگ ك ئهرا شهفهق نیوز كل كریاگه وتگه: ئهگهر دهسهڵات ههرێم كوردستان بڕیار یاسایى دهزگاى قهزایى بهغدا دژ وه تارق هاشمى جیگر سهروك كومار جیوهجى نهكا وهسهرپیچى له یاسا له قهڵهم دریهێ و یهیش بووده پیشینهى ترسناكیگ.
نسهیف ههمیش جهخت كردگه ك دهسهڵات ههرێم بایهد پابهند وهتهسلیم كردن تارق هاشمى بوود و جیوهجى نهكردن ئهو بڕیار قهزاییه هویچ پاساو یاموبهڕریگ یاسایى نهیرێ لهوهر ئهوهگ بڕیارهیل قهزایى عراق بایهد له سهراسهر وڵات جیوهجى بكریهێ.
جى باسه دهزگاى قهزایى بهغدا پیرهكه وهشیوهى رهسمى له حكوومهت ههرێم كوردستان داوا كرد ك تارق هاشمى تهسلیم بهغدا بكا.
| < پێشتر | دواتر > |
|---|
