شهفهق/ دهزگاى خێرخواز بارزانى دویهكه ئعلان كرد ك نزیكهى 400 كهرهڤان
ئهرا مهردم شار وان له كوردستان توركیا كل كردگه ك له ئهنجام زهوى لهرزهگان ئى دویاخره ئاواره بوینه.دهزگاگه وهدهركردن بهیاننامهیگ لهى باوهته ك كۆپییگى كهفتگهسه دهس شهفهق نیوز ئعلان كردگه: دهزگاگه له قوناغ یهكم 200 كهرهڤان وهل گشت ههوهجهیل ژیان ئهرا مهردم كارهسات دیدهى وان كل كردگه و كاروان دهسمهیهتهگه له لایهن مهردم ئاواره و والى شارهگه پێشوازى گهرم لهلى كریاگه. بهیاننامهگه زیاتر ئویشێد: كومهڵگایگ نیشتهجا كردن لهو كهرهڤانهیله له ناوچهى بوزخانه وهناو كومهڵگاى بارزانى دروس كریاگه و رهسمهیل بارزانى نهمر لهبان كارهوانهگان كریاسه دارا.
وهگورهى بهیاننامهگه ئى كهرهڤانهیله لهجى قوتابخانهیل شارهگه ك له ئهنجام زهویلهرزهگه ویران بوینه سوود لهلیان بریهێ ئهرا ئهوهگ خوهنستن له مهدرهسهیل وهردهوام بوود.
بهیاننامهگه ههمیش خهوهر تهلهفزیۆنیگ ئاسمانى شۆفێنى توركیا خستگهسه دروو ك لهتى وتگه: چنه كومهڵگایگ له شار وان نیه یا بڵاوى كردگهسهو ك رهسمهیل بارزانى له قهى كهرهڤانهگان لاوریاگه.
جى باسه له كووتایى مانگ تشرین دویم شار وان له كوردستان توركیا تویش چهنهها زهویلهرزه هات و بیجگه كوژیان و زهخمداربوین ژمارهیگ له مهردم شارهگه ژمارهى فهرهیگ له ماڵ و بنایهیل شارهگه ویران بوین.
| < پێشتر | دواتر > |
|---|
