شهفهق/ شهوهكى ئمڕوو تهیارهیل جهنگى توركیا ئاواى قهلهبانى سهر وه ناوچهى شێرناخ ههڵكهفتگ له
باشوور خوهرههڵات ئهو وڵاته وهتوندى بوردومان كردنه و وهگورهى خهوهر ئاژانس دهنگوباس فرانس پرێس تا ئیسه ژمارهى شههیدهیل ئهو تاوانه رهسیهسه 23 نهفهر ك زورمیان ژن و مناڵن.
ههر لهى باوهته ئاژانس دهنگوباس فورات خهوهر داگه ك لهو پهلاماره 35 هاووڵاتى كورد شههید كریانه ك زورمیان ژن و مناڵن.
له لایگترهو ئارتان ئاریس ئهندام ئهنجومهن پارێزگاى شێرناخ وهتلفزیۆن ئاسمانى رووژ تیڤى وتگه: تائیسه ژمارهى شههیدهیل بوردومانهگه رهسیهسه 23 نهفهر.
جى باسه تهیارهیل سوپاى توركیا وهشیوهى وهردهوام وهبیانگ جیگیربوین چهكدارهیل پارت كارگهرهیل كوردستان ئاوایهیل كوردستان توركیا و ئاوایهیل سنوورى ههرێم كوردستان بوردومان ئهكا.
| < پێشتر | دواتر > |
|---|
