شهفهق/ ئئتلاف دهوڵهت یاسا دویهكه له لیست عراقیه تواستگه بهڵگهنامهیل تومهتبار
كردن كهسوكار و نزیكهیل نورى مالكى سهروك حكوومهت وهدهس داشتن له كوشتن هادى مههدى بخهێده روى و ئهو ئدعایهیله وهنایاسایى یا وهسف كردگه.عهلى شهلاه قسهكهر وهناو ئئتلاف دهوڵهت یاسا له تهسریحیگ ئهرا شهفهق نیوز وتگه: ئئتلافهگهى داكووكى ئهكا ك هویچ كهسیگ بانتر له یاسا نیه و ئهگهر مهیسون دهمهلوجى قسهكهر وهناو لیست عراقیه ههر بهڵگهنامهیگ له باوهت ههر كهسیگ دیرێ ك دهس له كوشتن رووژنامهنویس هادى مههدى داشتگه بایهد پێشكهش دادگاى بكا نهگ له دهزگایهیل رهسانن بڵاویهو بكا, لهبان یهیش داكووكى كردگه ك تاوانهیل جنایى له لایهن ههر كهسیگهوه ئهنجام بدریهێ وهگورهى یاسا سزا دریهێ و كهسیش وهرگرى له تاوانبارهیل ناكا، سهر وهههر لایهن و كهسیگیش بوون.
شهلاه زیاتر وتگه: ههركهسیگ ههر بهڵگه نامهیگ له باوهت دهسداشتن ههر كهسیگ له كردهوهیل تیرۆریستى هه له سهروك كومار بگرهى تا ههر هاووڵاتییگ دیرێ بیلا پێشكهش دادگاى بكا تا كهس تاوانبار وهگورهى یاسا سزا بدریهێ.
| < پێشتر | دواتر > |
|---|
