شهفهق/ فراكسیۆن ئهحرار سهر وه رهوت سهدر له پهرلهمان عراق دویهكه بوین
ههر شكاتیگ له دادگا دژ وه موقتهدا سهدر سهركردهى رهوتهگه له باوهت كوشتن عهبدولمهجید خووئى پیاو ئاینى ناودار رهد كرد و یهیش خسته روى ك له شوون ئهوهگ گروپیگ چهكدار وهرپرسیارى ئهو كوشتنه گردگهسه مل دۆسێهى كوشتنهگه وهیهكجارى بهسیاگه و موقتهدا سهدر بى گونا دهرچیه لهو كردهوهى تیرۆریستیه.ئهمیر كنانى ئهندام فراكسیۆن ئهحرار له تهسریحیگ ئهرا شهفهق نیوز وتگه: هویچ شكاتیگ قهزایى دژ وه موقتهدا سهدر سهركردهى رهوت سهدر له باوهت كوشتن عهبدولمهجید خووئى نیه و ههرچگ لهى باوهته بویشیهێد دروو و بى بنهواس و یهیش ئاشكرا كردگه دۆسێهى خووئى له لایهن دادگاى تاوانهیل بهسیاگه و دادگاى تهمییزیش پشت راسى كردگهسهو.
كنانى زیاتر وتگه: چهن كهسیگ له رهوت سهدر وهو كوشتنه تومهتبار كریاوین له وانه مستهفا یهعقوبى و دویاخر خوهیان تهسلیم هێزهیل ئاسایش كردنه و سهرهنجام دادگاى تاوانهیل ناوهندى له بهغدا وهبى گونا ناسیهسهیان و وهیهیش ئاماژه كردگه ك دهزگاى ئاسایش گروپیگ تیرۆریستى تومهتبار وهكوشتن خووئى دهسگیر كردگه و تهسلیم هێزهیل بهریتانى له بهسره كریانه و دویاخر لهلایهن ئهو هێزهیله ئازاد و ئهرا دهیشت عراق كل كریانه.
جى باسه عهبدولمهجید خوویى كوڕ ئهبو قاسم خووئى سهروك وهرین حهوزهى زانستى له نهجهف له وههار ساڵ 2003 له شار نهجهف له لایهن چهن چهكداریگهو شههید كریا.
| < پێشتر | دواتر > |
|---|
