شهفهق/ باڵیۆزخانهى عراق له عهمان ئعلان كردگه ك نزیكهى 200 ههزار پهنابهرعراقى
له وڵات ئوردۆن نیشتهجان و زورمیان له بارودوخیگ سهخت ژیهن و چهوهڕێ كهن ماف پهنابهرى له وڵاتیگتر بگرن. تهحسین عهلوان یهكیگ له گهورا كاروهدهسهیل باڵیۆزخانهى عراق له عهمان لهى باوهته وه شهفهق نیوز وتگه: نزیكهى 200 ههزار پهنابهر عراقى له وڵات ئوردۆن وهسهر بهن و زورمیان له عهمان نیشتهجان.
عهلوان زیاتر ووتگه: زورم عراقیهیل نیشتهجاى ئوردۆن له بارودوخیگ سهخت ژیهن و چهوهڕێ قهبول كردنیانن له وڵاتیگتر.
عهلوان وهیهیش ئاماژه كردگه ك زورم ئهو هاووڵاتیهیله بهڵگهنامهى ئقامهت نهیرن و تهنیا ئهڵگر بهڵگهنامهیگ رێكخریاگ نهتهوهیل یهكگرتگن و له بان بنهواى ئهو بهڵگهنامه دهوڵهت ئوردۆن نیهتویهنێ وهزوور ئهرا عراق كلیانهو بكا.
| < پێشتر | دواتر > |
|---|
