شهفهق/ راوێژكار سهروك ئهنجوومهن وهزیرهیل له كاروبار ههرێم كوردستان
ئاشكرایهو كردگه ك لیست عراقیه وهشیوهى رهسمى داخوازییگ پیشكهش دهزگاى قهزایى عراق كردگه له باوهت ئاڵشت كردن شوون دادگایى كردن تارق هاشمى جیگر سهروك كومار ئهرا ههرێم كوردستان و یهیش خستگهسه روى ك سهروك حكوومهت نورى مالكى ناچاره پابهند بوود وهههر بڕیاریگ ك دادگا بیهێدهى. عادل بهروارى له تهسریحیگ ئهرا شهفهق نیوز وتگه: بڕیار دیارى كردن شوون دادگایى كردن تارق هاشمى وهدهس مالكى نیه بهڵكم دهزگاى قهزایى لهو باوهته بڕیار دهێد و ئهگهر دادگا بڕیار ئاڵشت كردن شوون دادگاگه ئهرا ههرێم كوردستان بیهێد كهس له دژى نیهوسێد و مالكییش پابهند بوود وهپى.
بهروارى زیاتر وتگه: لیست عراقیه له دادگاى ئتحادى داوا كردگه دۆسێهگهى هاشمى ئهرا كوردستان نهقڵ بكا و تهنیا دادگا لهى باوهته دهسهڵات دیرێ و وهیهیش ئاماژه كردگه ك ههرێم كوردستان بهشیگه له عراق وهلى بهندیگ یاسایى ههس ك ئویشێد تومهتبار بایهد له شوون رویداین تاوانهگه دادگایى بكریهێ.
| < پێشتر | دواتر > |
|---|
