شهفهق/ لیست عراقیه له حكوومهت مالكى داوا كردگه قهرهبوو خێزانهیل قوروانیهیل
تهقینهوهگان شار بهغدا بكا و لهبان یهیش تهئكید كردگه ك ئهنجامدهرهیل ئى كردهوهیل تیرۆریستیه گروپهیل چهكداریگن ك له قهیران ئیسه سوود بهن ئهرا دهس وهشانن له پرۆسهى سیاسى عراق.وهلید موحهمهدى ئهندام لیست عراقیه له تهسریحیگ ئهرا شهفهق نیوز وتگه: حكوومهت بایهد قهرهبوو بنهماڵهى شههیدهیل و زهخمدارهیل و زهرهدمهندهیل تهقینهوهگان شار بهغدا بكا و له بان یهیش تهئكید كردگه ك بایهد لیژنهیگ دامهزریهێ ئهرا ئهوهگ ئهندازهى زهرهدهیل هاووڵاتیهیل مهزهنه بكا.
موحهمهدى زیاتر وتگه: چهنهها گروپ چهكدار ههن هانه تهما دهس له پرۆسهى سیاسى بوهشنن و له دهرفهت وهدیهاتن قهیران سیاسى ئى دویاخره سوود بردنه و تهقینهوهیل رووژ پهنجشهممه ئهنجامدان.
| < پێشتر | دواتر > |
|---|
