شهفهق/ ئئتلاف دهوڵهت یاسا سهروك یهكیهتى جههانى زانایهیل موسهلمَان یوسف
قهرزاوى وه ئهڵگر هویر و ئایدیۆلۆجى تایفى و ویرانكهر نیشتمانهیل وهسف كردگه، ئهویش له شوون قسه كردن وهمالكى له وتار نماز جومعه. دهوڵهت یاسا ههمیش قهرزاوى وه جیوهجیكهر وپیاو یهكیگ له وڵاتهیل كهنداو لهقهڵهم داگه و له بان یهیش جهخت كردگه ك عراق نیاز وهفهتوایهیل گومڕاهانه نهیرێ. عهلى شهلاه قسهكهر وهناو ئئتلاف دهوڵهت یاسا له تهسریحیگ ئهرا شهفهق نیوز وتگه: یوسف قهرزاوى تویش بیمارى تایفى هاتگه و ههڵویستهیلى ئاشكران و یهكیگ له مهرجعهیل توندڕهو و ویرانكهر فهره له وڵاتهیلهو له بان یهیش جهخت كردگه ك عراقیهیل له فكریان نیهچوود ك له سهردهم هاتن سهربازهیل ئهمریكا ئهرا عراق قهرزاوى فهتواى كوشتن هاووڵاتیهیل عراقى دهركرد.
شهلاه ههمیش وهقهرزاوى وتگه : ئهرا گشت لایگ ئاشكراس ك كى خوهى وه مسر فرووشتگه.
جى باسه یوسف قهرزاوى زاناى موسهلمَان مسرى له وتارهگهى نماز جومعهى خوهى له وڵات قهتهر، مالكى وهتهقالا كردن ئهرا فرووشتن عراق وهسوریه تومهتبار كرد.
| < پێشتر | دواتر > |
|---|
