شهفهق/ ئهندامیگ ئئتلاف فراكسیۆنهیل كوردستانى دویهكه تهئكید كرد ك ئهگهر
فراكسیۆنهیل سیاسى نهتویهنن وهردهوام بوون له حكوومهت هاوبهشى نیشتمانى، ههڵوژاردهى دامهزرانن حكوومهت فهرهیینه هاله ئارا و له ههمان وهختیش خوازیار وهرپا كردن دانیشتنیگ وهرفراوان ئهرا سهرجهم فراكسیۆنهیل سیاسى بوى. فهرهاد رهسول له تهسریحیگ ئهرا شهفهق نیوز وتگه: دهستور عراق وهیهك چهو نووڕێده سهرجهم پێكهاتهیل مللهت عراق و له بان بهشدارى كردن سهرجهم نهتهوه و تایفهیل عراق له حكوومهت داكووكى ئهكا و وهیخاتره بایهد سهرجهم فراكسیۆنهیل سیاسى عراق، بهشدار بوون له حكوومهت و یهیش خاسترین چارهسهره ئهرا كێشهیل و یهیش خستگهسه روى ك ئهگهر نهتویهنیم وهردهوام بویمن له حكوومهت هاوبهشى نیشتمانى، قاپى له وهردهم ههڵوژاردهیل تر وازه.
رهسول زیاتر وتگه: سهرجهم فراكسیۆنهیل سیاسى هانه ئهو باوهڕه ك نیاز وهدانیشتنیگ وهرفراوان ئهرا چارهسهر كردن قهیران سیاسى وڵات و دانان بهرژهوهندى وڵات له بان بهرژهوهندیهیل تر ههس.
جى باسه نورى مالكى سهروك حكوومهت رووژ چوارشهممهى گوزهیشته له كۆنگرهیگ روژنامهگهرى له سهرجهم فراكسیۆنهیل سیاسى بهشدار و بهشدارنهوى له حكوومهت داوا كرد له دانیشتنیگ وهرفراوان ك وهى زویه وهرپا كریهێ بهشدارى بكهن.
| < پێشتر | دواتر > |
|---|
