شهفهق/ لیژنهى پارێزگا و ههرێمهیل له پهرلهمان عراق، تهرخان كردن 10% له بوودجهى
گشتى عراق ئهرا پارێزگاگان وه پاشگهز یا پهشیمان بوینهوهى حكوومهت بهغدا له قهوڵهیلى لهباوهت زیاێهوكردن دهسهڵات پارێزگاگان له قهڵهم داگه و له بان یهیش تهئكید كردگه ك بوودجهگه پهسهن ناكا. مههدى حاجى ئهندام لیژنهى پارێزگا و ههرێمهیل له پهرلهمان لهى باوهته وه شهفهق نیوز وتگه: تهرخان كردن 10% له بوودجهى گشتى ئهرا پارێزگاگان وهل قهوڵهیل حكوومهت مالكى له باوهت زیایهوكردن دهسهڵات حكوومهته مهحهلیهگان گونجیاگ نیه و یهیش نیشانهى ئهوهسه ك حكوومهت له قهوڵهگهى خوهى پهشیمانهو بویه.
حاجى یهیش ئاشكرا كردگه ك لیژنهى بویچگیگ دامهزراننه ئهرا ئهوهگ بوودجهى وهزارهته خزمهتگوزاریهگان بدریهێده پارێزگاگان و تایبهتمهندى ههر پارێزگایگیش له وهرچهو گیریاس.
ناوبریاگ له بان یهیش تهئكید كردگه ك ئهگهر بوودجهگه وهى شیوهى ئیسهیه بمینێ ك دهسهڵات پارێزگاگان بویچگهو ئهكا، لیژنهى ههرێم و پاریزگاگان بوودجهى 2012 پهسهن ناكا.
| < پێشتر | دواتر > |
|---|
