شهفهق/ فراكسیۆن هاوپهیمانى نیشتمانى جهخت كردگه ك كۆدهنگى یا ئجماع له بان
سهنینهوهى متمانه له جیگر سهروك وهزیرهیل ساڵح موتڵهگ نیه و ئى مهسهله بایهد له لایهن فراكسیۆنهیل سیاسیهوه له دانیشتنیگ لهیهكهو بدریهێ.حهسون فهتلاوى ئهندام هاوپهیمانى نیشتمانى له تهسریحیگ ئهرا شهفهق نیوز وتگه: سهنینهوهى متمانه له جیگر سهروك وهزیرهیل ساڵح موتڵهگ له دانیشتن هاوپهیمانى نیشتمانى بایهد لهیهكهو بدریهێ تا بزانیم ئى كاره تاچهنیگ كاریگهرى نهێده بان پرۆسهى سیاسى له عراق و ئى مهسهله وهئاڵشتكارییگ ترسناك لهقهڵهم داگه.
فهتلاوى زیاتر وتگه: حكوومهت ئیسهى عراق لهڕێ رێككهفتن له ناونى فراكسیۆنهیل سیاسى دامهزریاگه و دویرهو خستن ههر لایهنیگ لهلى زهرهد رهسنێده پرۆسهى سیاسى و له سهرجهم هێزهیل داوا كردگه لهى وهخته ك هێزهیل ئهمریكى له عراق دهرچینه تهقالا بكهن وهزعهگه ئارامهو بكهن.
ئهندامهگهى هاوپهیمانى نیشتمانى وهیهیش ئاماژه كردگه بهرزهو كردن داخوازى سهنینهوهى متمانه له موتڵهگ ئهرا ئهنجوومهن نوێنهرهیل خزمهت وهبهرژهوهندى گشتى عراق ناكا.
| < پێشتر | دواتر > |
|---|
