شهفهق/ وهل دهرچگن دویایین سهربازهیل ئهمریكى له خاك عراق وهگورهى رێككهفتننامهى ئمزاكریاگ له
ناونى ههردو وڵات، ئهراچگن ناوهندهیل رووشنهویرى و ئاسایشى له باوهت ئایندهى وهزع عراق وهل یهكا جیاوازى دیرێ و لهوهختیگ بڕێگیان نگهرانن لهوهگ وهردهوامى ناكووكى لهناونى فراكسیۆنهیل سیاسى بووده سهرهتایگ ئهرا كووتاییهاتن وه وڵات عراق وبڕیگتر هانهو باوهڕه ك دهرچگن هێزهیل ئهمریكا كاریگهرى نیهنهێده بان بار ئاسایش عراق.
حوسێن عادلى نویسهر و شیهوكهر سیاسى له تهسریحیگ ئهرا شهفهق نیوز وتگه: قوناغ ئاینده سهرهتایگه ئهرا كووتاییهاتن وه پرۆژهى دهوڵهت ك بهرههم ئهمریكا و عراقه ئهویش وهخاتر قویلهوبوین ناكووكیهیل سیاسى له ناونى فراكسیۆنهیل سیاسى و بى چارهسهر مهنن دۆسیه سهرهكیهگان.
نویسهر و رووژنامهنویس ئهحمهد ئهلئهبیهزیش له تهسریحیگ ئهرا شهفهق نیوز وتگه ك مهسهلهى ئامادهیى سیاسى له ئامادهیى ئاسایشى گرنگتره و بایهد رووشنایى بخریهێده بان ئى لایهنه لهوهر ئهوهگ تائیسه لایهنهیلیگ سیاسى بهشدار له پرۆسهى سیاسى ههن ك باوهڕ وهرێباز دیمۆكراسى ئهرا چارهسهر ناكووكیهیل و كێشهیل چارهسهرنهكریاگ نهیرن.
| < پێشتر | دواتر > |
|---|
