شهفهق/ پهرلهمانتاریگ كوردستان ئاشكرایهو كرد ك ههرێم كوردستان وهپهرلهمان و سهركردهیل سیاسى و
مللهتهگهى ئامادهن ههق سهرجهم پێكهاتهیل ههرێمهگه زامن بكهن و عهرهبهیل نیشتهجاى ناوچهیل داوڕیاگ له پهرلهمان و حكوومهت بهشدار بكهن ئهگهر هاتو ئهو ناوچهیله خریانه بان خاك ههرێم كوردستان.
عهلى حوسێن فهیلى له تهسریحیگ ئهرا شهفهق نیوز وتگه: ئهگهر ناوچهیل كوردنشین سهرلهنوو بخریهنه بان خاك كوردستان یهكم كار پهرلهمان كوردستان ئهوهسه راسهو كردنهیلى له یاساگان ئهنجام بیهێد ك بهشدارى سهرجهم نهتهوه و تایفهیل توركمان و سریانى و كلدانى و ئاشوورى و تهنانهت بهشدارى برایهیل عهرهبمانیش زامن بكا تا بوونه بهشیگ له هاووڵاتیهیل رهسهن ههرێم كوردستان.
فهیلى زیاتر وتگه: له حاڵ حازر 13 فراكسیۆن سیاسى جیاواز نوێنهرایهتى لایهنهیل سیاسى و نهتهوهیى و ئاینى له ههرێم كوردستان كهن ك بڕێگیان هاله رز هاوپهیمانى كوردستانى و بڕێگ تریان هان وهل ئۆپۆزسیۆن و بڕێگیانیش سهروهخوهین.
جى باسه له شوون ئهوهگ ئهنجوومهن پارێزگاى دیاله مهسهلهى وهههرێم كردن پارێزگاگهیان ئعلان كرد نائارامى و خوهى نیشانداین مهردم ناڕازى وهزع پارێزگاگه شیوانگه.
| < پێشتر | دواتر > |
|---|
