شهفهق/ لیست عراقیه دهسدریژى بڕێگ له خوهینیشاندهرهیل ئهرا گیان كاروهدهسهیل پارێزگاى دیاله و
تیرۆریزم رێكخریاگ ناوبردگه و ههڕهشهیش كردگه ك ئهگهر حكوومهت داخوازیهیل لیستهگه جیوهجى نهكا له شوون بایكۆت كردن دانیشتنهیل پهرلهمان ئجرائات تریگ بهێد.
ئهندام لیست عراقیه قهیس شهزر وه شهفهق نیوز وتگه: ئهو دهسدریژیه ك كریاگهسه بان ئهندامهیل پارێزگاى دیاله و ماڵ پارێزگار وهشیوهیگ له تیرۆریزم رێكخریاگ له قهڵهم دریهێ ك له وهرچهو هێزهیل ئاسایش ئهنجام دریاگه.
شهزر زیاتر ئاشكرایهو كردگه ك حكوومهت بهغدا وهدو شیواز وهل خوهینیشاندهرهیل رهفتار ئهكا له لایگ خوهینیشانداینهیل ئاشتى خوازانه سهركوت ئهكا و له لایگترهوه پشتگیرى له خوهینیشانداینهیلیگ ئهكا ك بوونه بایس توندوتیژى.
ئهندامهگهی لیستهگهى عراقیه وهیهیش ئشاره كردگه ك مهردم پارێزگاى دیاله وهخاترزوڵم و نهوین خزمهتگوزارى لهلایهن حكوومهتهو خوازیار دامهزرانن ههرێم فدرالى بوینه و یهیش داخوازییگ دهستورى و یاساییه.
جى باسه له رووژیگهو ك ئهنجوومهن پارێزگاى دیاله خوازیار دامهزرانن ههرێمیگ فدرالى بویه كیشمهكیش و نائارامى زورم ناوچهیل پارێزگاگه گردیهسهوهر.
| < پێشتر | دواتر > |
|---|
