شهفهق/ كهناڵ تلفزیۆنى فهرهنسه 24 دیمانهیگ وهل د. بهرههم ساڵح سهروك حكوومهت ههرێم كوردستان له
پاریس ساز كردگه و پرسیارهیلیگ له باوهت دهرچگن هێزهیل ئهمریكا له عراق ودیموكراسى و ململانى دهسهڵات و كیشهى نهفت خستگهسه روى.
له باوهت دهرچگن هێزهیل ئهمریكا د. بهرههم وتگه: ئازاد كردن عراق و رمانن رژیم سهدام دهرفهتیگ ئهرا مللهتهیل عراق فهراههم كردگه تا وڵاتیگ دیموكراتى بنیا بنهن.
سهروك حكوومهت ههرێم كوردستان له جوواو ئى پرسیاره ك ئایا له شوون دهرچگن هێزهیل ئهمریكا, ئهگهر ئهوه ههس جهنگ ناوخوهیى له عراق روى بیهێد وتگه: ئیمه بایهد جوور نگهرانییگ بنووڕیمنه ئى مهسهله, چوین دهرچگن هێزهیل ئهمریكا لهعراق وهماناى ئاڵشتكارى گهورا له بار ئاسایش و ئهرك سهركردایهتى عراقه بایهد له ئاست تهحهدییهگان بوود.
ناوبریاگ له جوواو ئى پرسیاریشه ك ئایا له مهسهلهى دهرچگن هێزهیل ئهمریكا له عراق ههڵهپهڵه نهكریاگه وتگه: رێككهفتننامهى ناونى ئهمریكا و عراق له ساڵ 2008 ئمزا كریاگه و یهكیگ له بهندهیلى مهسهلهى دهرچگن هێزهیل ئهمریكا له عراق تا كووتایى "2011"هس و ئیسه وهگورهى ئهو رێككهفتننامه سهربازهیل ئهمریكى چینهسه دهیشت و ئیسه ئهرك ئیمهس ك بزانیم چوین مامهڵه وهل وهزع تازه بكهیم.
| < پێشتر | دواتر > |
|---|
