شهفهق/ ئئتلاف دهوڵهت یاسا وهسهروكایهتى نورى مالكى دویهكه ئاشكرایهو كرد ك وهرپرسیاریهتى مقهیهتى
كردن ئاسایش كۆمپانیایل سهرمایهگوزار له عراق ئهرك دهزگا ئهمنیهگان عراقه و ئى كۆمپانیایله جوور سهرجهم كۆمپانیایل وهبهرهاوهر بایهد وهگورهى یاساى ئستسمار نیشتمانى كار بكهن.
عهبدولسهلام مالكى ئهندام ئئتلاف دهوڵهت یاسا له تهسریحیگ ئهرا شهفهق نیوز وتگه: فهراههم كردن ئاسایش ئهرا كۆمپانیایل وهبهرهاوهر یاموستهسمر ئهمریكى چ ئهوانهگ له كهرت نهفت كار كهن و چ ئهوانهگ له كهرتهیل تر ئهرك دهزگا ئهمنیهگان عراقه.
مالكى زیاتر وتگه: حكوومهت هێزهیل ئاسایشى تایبهتیگ ئهرا ئى كاره تهرخان ئهكا و له ههمان وهختیش له هێزهیل ئاسایش عراقى تواستگه له نزیك شوون كاركردن كۆمپانیایل بیگانه بوون تا هس وهدڵنیایى و سهقام بكهن و یهیش بووده هاندهریگ تا كۆمپانیایل تریش روى بكهنه عراق و له پرۆسهى ئاوهدانى بهشدار بوون.
جى باسه نورى مالكى سهروك حكوومهت عراق ههفتهى گوزهیشته له سهردانهگهى ئهرا ئهمریكا له كۆمپانیایل ئهو وڵاته داوهت كرد له پرۆژهیل ئاوهدانى عراق و زینگهو كردن ژیرخان ئابوورى ك له جهنگهیل گوزهیشته ویران كریاگه بهشدارى بكهن.
| < پێشتر | دواتر > |
|---|
