شهفهق/ پارت دیموكرات كوردستان دویهكه ئاشكرایهو كرد ك جیگر سهروك پارتهگه
ئامادهیى خوهى ئهرا وهرگردن پۆست سهروكایهتى حكوومهت نیشانداگه. جهعفهر ئبراهیم قسهكهر وهناو پارت دیموكرات كوردستان لهى باوهته وهئاژانس دهنگوباس كوردستان وتگه: پارتى مهسهلهى سهننهوهى پۆست سهروكایهتى حكوومهت ئهرا دهورهى تازه یهكلاوه كردگه و یهیش خستگهسه روى ك لهى باوهته لهیهك حالى بوین خاسیگ وهل یهكیهتى نیشتمانى ههس.
ئبراهیم زیاتر وتگه: لهوهر ئهوهگ پارتى و یهكیهتى له ههڵوژاردنهیل 2009 وهیهك لیست بهشدارى كردنه, بى گومان راسهوكردنهیل تازهى حكوومهت له بان بنهواى هاوبهش ههردو حزب دانریهێ.
قسهكهرهگهى پارت دیموكرات كوردستان وهیهیش ئاماژه كردگه ك جیگر سهروك پارتى نێچیرڤان بارزانى ئامادهس پۆست سهروكایهتى حكوومهت ههرێم وهربگرێ و یهیش خستگهسه روى ك بڕیار كووتایى لهى باوهته له شوون دامهزرانن حكوومهت تهوافوق نیشتمانى دریهێ.
له باوهت مهسهلهى بهشدارى لایهنهیل سیاسى تر له حكوومهت ئاینده ئبراهیم وت: ئى مهسهله له گامهیل ئایندهى یهكیهتى و پارتى بڕیار له بانى دریهێ.
| < پێشتر | دواتر > |
|---|
