شهفهق/ ئمڕوو شهممه راویژكار حكوومهت عراقى ئهرا كاروبار ههرێم كوردستان،
لهباوهت ئهوهك جیگر سهرۆك وهزیرهیل عراق رۆژ نورى شاوهیس 90% لهدهسڵات سهرۆك ههرێم مهسعود بارزانى وهك نوێنهر لهبهغدا دیرێد وهتایبهت لهدانیشتن سهركردهى فراكسیۆنهیل سیاسى، تهئكید كردگه.عادل بهروارى ئهرا شهفهق نیوز، وتگه: جهلال تاڵهبانى سهرۆك كومار عراق جاریگ تر لهبان داواكارى كهسایهتیهیل نیشتمانى دهوروهرى، سهرۆك و نوێنهر فراكسیۆنهیل سیاسى لهگشت تایفهو نهتهوهیگ گردهو بكا لهوهر خاتر شیهوكردن ئى بار سهخته لهعراق و چارهسهركردن كیشهیل ناونى فراكسیۆنهیل سیاسى.
بهروارى زیاتر وتگه: پارت دیموكرات كوردستان لهبهغدا ئامادهس و نوێنهریشى رۆژ نورى شاوهیسهو 90% دهسڵات لهلایهن سهرۆك ههرێم كوردستانهو وهپى دریاگه، ناوبریاگ بیجگه ئهوهیش وتگه: لهبان رێككهفتن ناونى بارزانى و مالكى و عهلاوى بایهسه لهبان گشت لایهنهیل پابهند بوون وه قهوڵهیل خوهیان لهوهر خاتر بهرژهوهندى گشتى و بهرژهوهندى عراق.
| < پێشتر | دواتر > |
|---|
