شهفهق/ لیژنهى ئابوورى و وهبهرهاوردن له پهرلهمان عراق دویهكه ئعلان كرد ك
تاوهختیگ حكوومهت لیست كووتایى حساوهیل خوهى پێشكهش پهرلهمان نهكا, بوودجهى ساڵ 2012 پهسهن ناكا و ئاشكراى كردگه ك وهچهواشهى مهزهنهى قیمهت نهفت له لایهن حكوومهت له بوودجهى 2012 نرخ ههر بهرمیلیگ نهفت رهسێده سهد دۆلار زیاتر. مهحما خهلیل ئهندام لیژنهى ئابوورى و وهبهرهاوردن له تهسریحیگ ئهرا شهفهق نیوز وتگه: پهرلهمان بڕیار داگه تا وهختیگ حكوومهت لیست كووتایى حساوهیل خوهى پێشكهش نهكا, بوودجهى ساڵ 2012 پهسهن ناكا و یهیش خستگهسه روى ك عراق تویهنستگه سهندوق نهخت ناودهوڵهتى قایل بكا وهكهمهو نهكردن گوژمهیل تهرخان كریاگ ئهرا پرۆژهیل خزمهتگوزارى و گهشهكردن ههرێمهیل.
خهلیل وهیهیش ئاماژه كردگه ك حكوومهت قیمهت بهرمیلیگ نهفت ئهرا ساڵ ئاینده 85 دۆلار مهزهنه كردگه لهوهختیگ له ئهنجام ئاڵشتكاریهیل و رویداگهیل ناوچهگه شایهد قیمهت نهفت بڕهسێده زیاتر له سهد دۆلار ئهرا ههر بهرمیلیگ.
| < پێشتر | دواتر > |
|---|
