شهفهق/ سهرچهوهیگ نزیك له سهروك ئهنجوومهن وهزیرهیل نورى مالكى ئاشكرایهو
كردگه ك ئهندامهیل رێكخریاگ موجاهدین خهلق ئیران له شوون بهسان كهمپ ئهشرهف له كووتایى ئمساڵ وهشیوهى وهختى ئهرا شوونهیل تایبهتیگ له ناو خاك عراق بریهن تا وهختیگ كیشهگهیان یهكلاوه بوود و یهیش ئاشكرا كردگه ك حكوومهت عراقى وهخاتر ئى گروپه له لایهن ئیرانهوه سهرزهنش كریهێ. عهلى عهلاق ئهندام ئئتلاف دهوڵهت یاسا لهى باوهته وه شهفهق نیوز وتگه: حكوومهت عراقى بڕیار یهكلایى داگه ك تاكووتایى ئمساڵ كهمپ ئهشرهف بوهسێد و وهیهیش ئشاره كردگه ك عراق داڵدهى هویچ رێكخریاگیگ تیرۆریستى نیهێد ك ههڕهشه له ئاسایش وڵاتهیل هاوسابكا.
عهلاق یهیش ئاشكرا كردگه ك ئهندامهیل ئهو رێكخریاوگه تا وهختیگ كێشهگهیان یهكلاوه كریهێ ئهرا شوونهیل تایبهتیگ له ناو خاك عراق بریهن.
جى باسه پیرهكه نهتهوهیل یهكهوگرتگ بانگهوازیگ ئاراسهى حكوومهت عراقى كرد و له لى تواست مهسهلهى دهركردن ئهندامهیل موجاهدین خهلق بخهێده دویا و له ههر توندوتیژییگ خوهى بپارێزێ.
| < پێشتر | دواتر > |
|---|
