شهفهق/ ئئتلاف دهوڵهت یاسا تهئكید كردگه ك ئهگهر حكوومهت عراق وهبى وهراوهر
ئهندامهیل رێكخریاگ موجاهدین خهلق ئیران له خاك عراق بتاڕنێد ههڵهى گهورایگه و یهیش خستگهسه روى ك دۆسێهى گروپهیل چهكدار ك له لایهن ئیران پشتگیرى كریهن ههمراێ واز نهكریاگه. بهتول فاروق ئهندام ئئتلاف دهوڵهت یاسا له تهسریحیگ ئهرا شهفهق نیوز وتگه: سیاسیهت دهرهكى حكوومهت عراق تویش غهڵهتهیل فهرهیگ بویه لهوانهیش دهركردن بى وراوهر رێكخریاگ موجاهدین خهلق ئیران له خاك عراق و یهیش هیلێد عراق هویچ فاكتهریگ فشار دژ وهئیران وهدهسهو نهیاشتوود.
فاروق یهیش خستگهسه روى ك حكوومهتهگه تهنیا له ئئتلاف دهوڵهت یاسا پێك ناتگه و سهرهڕاى خهریك بوین حكوومهت وهمهسهلهى دهرچگن هێزهیل ئهمریكا له عراق بایهد دۆسێهى پهیوهندیهیل دهرهكییش وهل وڵاتهیل هاوسا وهشیوهى هاوسهنگ ئداره بكا.
| < پێشتر | دواتر > |
|---|
