شهفهق/ رێكخریاگ نهتهوهیل یهكگرتگ بانگهوازیگ ئاراسهى عراق كردگه له باوهت
دویاخستن بهسان كهمپ تایبهت وهرێكخریاگ موجاهدین خهلق ئیران و له ههمان وهختیش له حكوومهت عراقى و مهردم نیشتهجاى كهمپهگه تواستگه خوهیان له توندوتیژى دویر بگرن. مارتن كوبلهر نوێنهر تایبهت رێكخریاگ نهتهوهیل یهكگرتگ له عراق وهئهنجوومهن ئاسایش ناودهوڵهتى پێكهاتگ له 15 ئهندام وتگه: ئاشكراس ك تا كووتایى ئى مانگه نیهتویهنیم كێشهگه چارهسهر بكهیم و وهیخاتره له حكوومهت عراقى داوا كهم مۆڵهت بیهێده پیمان تا ریگهچارهیگ ئهرا ئى كێشه بوینیمنهو و ئومیدوارم چنه بڕیاریگ گرژیهگان ناونى ههردولا كهمهو بكا.
بان كى مون ئهمیندار گشتى نهتهوهیل یهكگرتگ له نووترین راپۆرت له باوهت عراق وتگه: له وڵاتهیل جههان داوا ئهكا ئهندامهیل رێكخریاگ موجاهدین خهلق ئیران نیشتهجاى كهمپ ئهشرهف ك ژمارهیان سى ههزار نهفهره وهپهنابهر قهبول بكهن لهوهر ئهوهگ ئهگهر ئهرا وڵاتهگهیان بچنهو وهل شكهنجه و ئعدام رویوهروى بوون.
له لایگترهو حامد بهیاتى سهفیر عراق له نهتهوهیل یهكگرتگ ئویشێد: حكوومهت عراق نیهتواێد كهسیگ وهزوور ناچار بكهن گلهو بخوهێد ئهرا ئیران و وهیهیش ئشاره كردگه ك نزیكهى 900 نهفهر له مهردم نیشتهجاى كهمپ ئهشرهف هاووڵاتى ئیرانى نین و تویهنن داواى پهنابهرى له وڵاتهیل تر بكهن.
| < پێشتر | دواتر > |
|---|
