شهفهق/ وهگورهى ئهو راپرسیه ك له سنوور پارێزگاى دیاله دهس وهپى كردگه تا ئیسه
45% هاووڵاتیهیل ئهو پارێزگا داوا كردنه پارێزگاگهیان بكریهێده ههرێمیگ سهروهخوهى و سهروك ئهنجوومهن پارێزگاى دیالهیش وتگه: ئى داواكاریه نیاز وه ڕهزامهندى ههردو حكوومهت ههرێم و بهغدا دیرێ. سهرچهوهیگ له ئهنجوومهن پارێزگاى دیاله ك نهتواستگه ناوى ئاشكراوه بوود وهئاژانس دهنگوباس پهیامنێر وتگه: لیستهگهى ئهیاد عهلاوى خهریك ئهنجامداین راپرسیین تا بزانن ئایا مهردم دیاله داواى ههرێمیگ سهروهخوهى كهن یا نه. سهرچهوهگه یهیش ئاشكرا كردگه ك تائیسه له 45% مهردم ئهو شوونهیله ك راپرسى لهتیان كریاگه جوور شارهیل شارهبان و خاڵس و بهنى سهعهد داوا كردنه پارێزگاگهیان بكریهێده ههرێمیگ سهروهخوهى.
تالب مهحهمهد سهروك ئهنجوومهن پارێزگاى دیالهیش وهئاژانس ناوبریاگ وتگه: لهوهر ئهوهگ زورم ناوچهیل داوڕیاگ ههرێم كوردستان هاله پارێزگاى دیاله و جاریگ چارهنویس چهن ئاواییگ له سنوورهیل ناونى ههردو پارێزگاى دیاله و بهغدا یهكلاوه نهویه, دامهزرانن ههرێمیگ سهروهخوهى له دیاله كار ئاسانیگ نیه و وهباوهڕ من ئى كاره كیشه و گرفتهیل مهردم پارێزگاگه زیاترهو ئهكا.
| < پێشتر | دواتر > |
|---|
