شهفهق/ ئئتلاف دهوڵهت یاسا ئاشكراى كردگه ك له دیدارهگهى مالكى و بایدن بهرنامهى
سهردانهگهى سهروك حكوومهت عراق ئهرا واشنتۆن باس كریاگه و وهیهیش ئشاره كردگه ئى سهردان بایدنه دویایین سهردانیه ئهرا عراق له سایهى بوین سهربازهیل ئهمریكا له خاك عراق.سادق لهبان ئهندام سهر وهئئتلاف دهوڵهت یاسا له تهسریحیگ ئهرا شهفهق نیوز وتگه: جۆ بایدن جیگر سهروك ئهمریكا له دیدارهگهى وهل نورى مالكى بهرنامهى سهفهرهگهى سهروك حكوومهت عراق ئهرا ئهمریكا و رێ و شوون چالاكهو كردن كاروبار لیژنهیل هاوبهش دو وڵات ئهرا جیوهجى كردن رێككهفتن ئستراتیجى ئمزاكریاگ لهناونى ههردولا باس كردگه و ئى سهردانه لهى قوناغه وهگرنگ ناوبردگه.
لهبان زیاتر وتگه: یه دویایین سهردان بایدنه ئهرا وڵاتهگهمان له سایهى بوین هێزهیل وڵاتهگهى ك تا كووتایى ئمساڵ لهخاك عراق دهرچن و لهبان یهیش تهئكید كردگه ك لهى سهردانه دیدگاى هاوبهشیگ ئهرا پهیوهندیهیل دو لایهنه له بوارهیل سیاسى و ئابوورى و ئاسایشى وهل كاروهدهسهیل عراقى دانریهێ.
| < پێشتر | دواتر > |
|---|
