شهفهق/ وهرپرسیگ دهزگاى ههڵوژاردنهیل پارت دیموكرات كوردستان وتگه ك حزبهگهى له ههڵوژاردن
ئهنجوومهنهیل پارێزگاگان 40% دهنگهیل وهدهس تیهرێ و سهركردهیگ یهكیهتى نیشتمانى كوردستانیش داكووكى ئهكا ك حزبهگهى 30% سهرجهم دهنگهیل وهدهس تیهرێ و بزووتنهوهى گۆڕانیش پیشبینى خوهى ئاشكرا نهكردگه.
سهرهڕاى تهماوى بوین دیارى كردن وهخت ئهنجامداین ئهو ههڵوژاردنهیله وهلى لایهنهیل سیاسى دهسهڵات وئۆپۆزسیۆن خهریك ئاماده كردن خوهیانن و تهقالا كهن تهكتیكهیل تازهیگ ئهرا وهدهسهاوردن دهنگهیل مهردم وهكار بوهن.
خهسرهو گۆران یهكیگ له سهركردهیل پارت دیموكرات كوردستان له تهسریحیگ رووژنامهگهرى وتگه: پارت دیموكرات كوردستان هویچ گومانیگ لهوه نهیرێ ك پلهى یهكم لهو ههڵوژاردنهیله وهدهس تیهرێ.
گۆران یهیش ئاشكرا كردگه ك حزبهگهى پیشبینى ئهكا له دهۆك 65 % دهنگهیل و له ههولێر زیاتر له 50% دهنگهیل و له سلێمانییش 20% دهنگهیل وهدهس بارێد و یهیش ئاشكرا كردگه ك پارتى لهى ههڵوژاردنه وهشیوهى گشتى 40% سهرجهم دهنگهیل وهدهس تیهرێ.
| < پێشتر | دواتر > |
|---|
