شهفهق/ سهركردهیگ له ئهنجوومهن باڵاى ئسلامى وهسهروكایهتى عهمار حهكیم
ئاشكرایهو كردگه ك رێكخریاگ بهدر ههر له سهرهتاوه له ئهنجوومهنهگه جیا بویه و یهیش خستگهسه روى ك زورم سهركردهیل رێكخریاگهگه پهیڕهو عهلى خامهنهیى رابهر ئیرانن. عهلى شوبهر له تهسریحیگ ئهرا شهفهق نیوز وتگه: رێكخریاگ بهدر له سهرهتاى دامهزراننیهو جیا بویه له ئهنجوومهن باڵا وهلى وهڕێنمایى سهكردهى كووچكردگ محهمهد باقر حهكیم خوهى وهبهشیگ له ئهنجوومهنهگه داناگه تا نهكهفنه وهر پهلامار هێزهیل ئهمریكى.
له باوهت پهیڕهوى ئهندامهیل رێكخریاگ بهدر له مهرجهعیهت ئاینى، رابهر ئیران عهلى خامهنهیى, شوبهر ئاشكرایهو كردگه ك ئیمه هویچ كیشهیگ وهل مهرجهعیهت خامهنهیى نهیریم و مهسهلهى پهیڕهوى مهسهلهیگ شهخسیه پهیوهندى وه تاكهو دیرێ نه وه رێكخریاگهیل.
جى باسه ئهنجوومهن باڵاى ئسلامى فراكسیۆنیگ پهرلهمانى له ژیر ناوونیشان فراكسیۆن مواتن دامهزرانگه ك له پهنج رێكخریاگ سیاسى ئهنجوومهن باڵا و بهدر و جمشت حزبوڵڵا و سهیدوشوههدا و دهزگاى شههید پێكهاتگه.
| < پێشتر | دواتر > |
|---|
