شهفهق/ رهوت دیموكراتى دویهكه تهئكید كرد ك وهبى گومان ئاڵشت و ئوڵشت سیاسى
ئهرا قورتار بوین له بهش بهشهكانى تایفى و نهتهوهیى له وڵات ئهنجام گرێد و یهیش خستگهسه روى ك حزبهیل دهسهڵاتدار دهس كردنهسه سهرلهنوو لهیهكهوداین بهرنامهیل خوهیان و وهرهو وهرگردن ههڵوێستهیل نیشتمانى و دیموكراتى چن. رائد فههمى ئهندام لیژنهى باڵاى رهوت دیموكراتى و وهزیر زانست و تهكنهلۆجیاى گوزهیشته وه شهفهق نیوز وتگه: مهیدان سیاسى عراق شایهت دهرچگن له رێباز بهش بهشهكانى تایفى و نهتهوهییه و وهبى شك و گومان ئاڵشت و ئوڵشت ئهنجام گرێد.
ناوبریاگ زیاتر ئاشكراى كردگه ك رهوت دیموكراتى ك له چهن حزب و كهسایهتى پێكهاتگه له ژیر ههمان ناوونیشان ئیسهى خوهى له ههڵوژاردنهیل پهرلهمان ئاینده بهشدارى ئهكا و تهقالا ئهكا بنهوایهیل كار و رهفتار دیموكراسى له كومهڵگاى عراقى بچهسپنێد.
فههمى یهیش ئاشكرا كردگه ك حزبهیل دهسهڵاتدار ئمڕوو له رهسین وهئامانجهیلیان ناكام مهننه وهتایبهت له ئداره كردن دۆسێیهیل ئهمنى و خزمهتگوزارى و دهس كردنهسه بهرزهو كردن دروشمهیل نیشتمانى و دیموكراسى.
جى باسه رهوت دیموكراتى عراقى ههفتهى گوزهیشته یهكمین كۆنفرانس خوهى له بهغدا وهبهشدارى 186 نوێنهر له ناو و دهیشت عراق وهرپا كرد.
| < پێشتر | دواتر > |
|---|
