شـه‌فــه‌ق نــیوز

شه‌فه‌ق/ رووژنامه‌ى وه‌ته‌ن چاپ توركیا له‌ زووان سه‌روك كۆنگره‌ى كومه‌ڵگاى دیموكراتى خه‌وه‌ر داگه‌ ك سه‌روك هه‌رێم كوردستان مه‌سعود بارزانى له‌ دیداره‌گه‌ى وه‌ل سه‌روك كۆنگره‌ى كومه‌ڵگاى دیموكراتى وتگه‌: ئاڵشتكارى گه‌ورا له‌ توركیا ها رێه‌و و سه‌ره‌نجام ئه‌و ئاڵشتكاریه‌یله‌ هاله‌ به‌رژه‌وه‌ندى كورد.
ئایسه‌ل تۆغڵۆك ئاماژه‌ وه‌ وته‌یل سه‌روك هه‌رێم كردگه‌ و وتگه‌: هه‌رچى روى ده‌ێد بیلا بیه‌ێد وه‌لى ئیوه‌ دگان بگرنه‌ خوه‌دان له‌وه‌ر ئه‌وه‌گ سه‌ره‌نجام هه‌ر كورد سه‌ركه‌فێد و ئاڵشتكاریه‌یل گه‌ورا روى ده‌ن و سه‌رجه‌م ئه‌و ئاڵشتكاریه‌یلیشه‌ هانه‌ جى خوه‌یان.
جى باسه‌ سه‌روك هه‌رێم كوردستان له‌ 13ى مانگ گوزه‌یشته‌ سه‌ردان توركیا كرد و بیجگه‌ ئه‌نجام داین چه‌نه‌ها دیدار و دانیشتن وه‌ل گه‌ورا كاروه‌ده‌سه‌یل ئه‌و وڵاته‌ له‌وانه‌یش سه‌روك كومار و سه‌روك ئه‌نجوومه‌ن وه‌زیره‌یل وه‌ل په‌رله‌مانتاره‌یل كورد سه‌ر وه‌پارت ئاشتى و دیموكراتى و چه‌نه‌ها سه‌ركرده‌ى سیاسى تر ئه‌و وڵاته‌ گفتوگوو كرد و مه‌سه‌له‌ى پارت كارگه‌ره‌یل كوردستان سه‌ره‌كیترین ته‌وه‌ر گفتوگووه‌یل سه‌روك بارزانى بوى.

< پێشتر		دواتر >