شهفهق/ ئئتلاف دهوڵهت یاسا تهئكید كردگه ك زیایهو كردن دهسهڵات پارێزگاگان
و راسهوكردن یاساى ئهنجوومهنهیل داواكارى دامهزرانن ههرێمهیل كهمهو ئهكا و له حكوومهتیش تواستگه ك له بهشهو كردن بوودجهى ساڵ 2012 مهسهلهى ههژارى و ژمارهى حهشیمهت یا نفوس لهوهر چهو بگرێ.فالح زیادى ئهندام ئئتلاف دهوڵهت یاسا له تهسریحیگ ئهرا شهفهق نیوز وتگه: زیایهو كردن دهسهڵات پارێزگایهیل و راسهوكردن یاساى ئهنجوومهنهیل و سپاردن پرۆژهیل وهزارهتهگان وهحكوومهتهیل مهحهلى ریگهچارهى خاسیگه ئهرا بهرزهوكردن ئاست كارهیل و فشارهیل دامهزرانن ههرێمهیل له بان حكوومهتیش كهمهو ئهكا.
زیادى وهیهیش ئشاره كردگه ك حكوومهت و پهرلهمان بایهد ئهرا بهشهوكردن بوودجهى 2012 مهسهلهى ههژارى و ژمارهى حهشیمهت یا نفوس لهوهر چهو بگرێ و له بان یهیش جهخت كردگه ك پارێزگای موسهننا له لایهن فهقیرى و كهمى بوودجه هاله نواى لیست پارێزگایهیل تر عراق.
| < پێشتر | دواتر > |
|---|
