شهفهق/ پهرلهمانتاریگ ههرێم كوردستان له حكوومهت ههرێم تواستگه دهسمهیهت
مادى رێكخریاوگ یونسكۆ بیهێد وهخاتر ئهو قهیران ئابووریه ك لهئهنجام وسانن دهسهمهیهتهیل ئهمریكا ئهرا رێكخریاگهگه وهدیهاتگه له شوون قهبول كردن ئهندامیهتى فلستین.عهلى حوسێن فهیلى ئهندام لیژنهى حقوق ئنسان له پهرلهمان كوردستان له تهسریحیگ ئهرا شهفهق نیوز وتگه: ئاسانترین رێ ئهرا حكوومهت ههرێم كوردستان ئهرا كیشان مهیل راى گشتى جههان وهرهو كیشهى كورد ئهوهسه دهسمهیهتیگ یهك میلیۆن دۆلارى پێشكهش یونسكۆ بكا لهوهر ئهوهگ حكوومهت ههرێم نیاز وهپشتگیرى مهعنهوى جههانى دیرێ.
فهیلى زیاتر ئاشكرایهو كردگه ك ئهڵگردن ئى گامه له لایهن حكوومهت ههرێم كوردستان له ئاست جههان دهنگهو ئهیاد و كیشهى كورد رهسنێده ناوهندهیل ناودهوڵهتى و ئهو پشتگیرى مهعنهویه ك لهئهنجام ئى كاره وهدهس تیهێ فهره ئهرزشى له پویلهگه زیاتره.
جى باسه له ئهنجام قهبول كردن فلستین وهئهندامیهتى له رێكخریاگ یونسكۆ، ئهمریكا وهشیوهى وهختى سهرجهم دهسمهیهتهیلى ئهرا رێكخریاگهگه وسانگه.
| < پێشتر | دواتر > |
|---|
