شهفهق/ وهزارهت كووچ و كووچ وهپى كریاگهیل له سهرجهم كوردهیل فهیلى نیشتهجاى
ئیران ئهوانهگ هانه تهما ئهرا عراق بانهو داوا كردگه بهڵگهنامهیل خوهیان پیشكهش ئهو لیژنهى تایبهته بكهن ك لهلایهن وهزارهتهگهوه ئهرا ئیران كل كریاگه و وهیهیش ئشاره كردگه ك بڕیارهیل و ریگهچارهیل فهرهیگ ئهرا نیشتهجاكردن و چارهسهركردن كیشهیلیان دهسنیشان كریاگه. ئهسغهر موسهوى بریكار وهزارهت هجره و موههجرین له تهسریحیگ ئهرا شهفهق نیوز وتگه: وهزارهتهگه له كوردهیل فهیلى ئهوانهگ توان ئهرا عراق بانهو داوا كردگه داخوازى و بهڵگهنامهیل خوهیان پێشكهش ئهو لیژنهى وهزاریه بكهن ك ئهرا چارهسهر كردن كیشهیلیان هاله ئیران.
موسهوى زیاتر ئاشكرایهو كردگه ك وهزارهتهگه دو لیژنه دامهزرانگه یهكیگ وهفهرمان ئهنجوومهن وهزیرهیل ئهرا پهیجوورى كردن كیشهى كوردهیل فهیلى و ئهوهكهیش ئهرا تاران كل كریاگه تا وهل كاروهدهسهیل ئیرانى میكانیزم هاوردنهوهى ئاواره عراقیهگان له ئیران ئهرا عراق لهیهكهو بیهێد.
| < پێشتر | دواتر > |
|---|
