شهفهق/ فراكسیون عراقیهى چهرمگ دویهكه ئاشكرایهو كرد ك پیلانیگ ههرێمى ئهرا
بهشبهشهو كردن عراق ئهرا چهن ههرێم هاله ئارا ك پهیوهندى وهتهقالایهیل ئهرا ئاڵشت كردن رژیم بهعس له سوریا دیرێ و بڕێگ له سیاسهتمهدارهیل وهئهوه تاوانبار كردگه ك له ناكووكیهیل سیاسى و بڕیارهیل حكوومهت سوود بهن ئهرا جیوهجى كردن ئامانجهیل سیاسى.عالیه نسهیف قسهكهر وهناو فراكسیون عراقیهى چهرمگ له تهسریحیگ ئهرا شهفهق نیوز وتگه: سهركردهیل لیست عراقیه له دانیشتنهیل تایبهتیگ، پارێزگار سهڵاحهدین هان دانه ئهرا وهههرێم كردن پارێزگاى سهڵاحهدین تا ئى پارێزگا بووده قوروانى ناكووكیهیل سیاسى و عهشیرهتى ناوچهگه.
نسهیف ئاشكرا كردگه ك سهروك حكوومهت نورى مالكى فهرمان دیارى كردن گوژمهیگ له بوودجهى تهوارى ئهرا پرۆژهیل پارێزگاى سهڵاحهدین دهركردگه وهلى ئهو پویله وهفهرمان رافع عیساوى وهزیر دارایى سهرف نهكریاگه و وهیهیش ئشاره كردگه ك جیوهجى نهكردن فهرمان سهروك حكوومهت وهخاتر ئهوهسه فشار بخریهێده بان پارێزگاگه و ئهوانیش بویشن حكوومهت نیهتویهنێ خزمهتگوزاریهیل ئهرا مهردم فهراههم بكا.
جى باسه سهروك حكوومهت نورى مالكى له دیدار ئى دویاخریه وهل پارێزگار سهڵاحهدین وژمارهیگ له نوێنهرهیل پارێزگاگه له پهرلهمان لهبان زهرورهت زیاێ كردن دهسهڵات پارێزگاگان ئهرا بهشدارى كردن له پروسهى ئاوهدانى جهخت كرد.
| < پێشتر | دواتر > |
|---|
