شهفهق/ لیژنهى ئاسایش و وهرگرى له پهرلهمان عراق دویهكه تهئكید كرد ك مقهیهتى
كردن ئاسمان عراق له لایهن هێزهیل ئهمریكا بایهد وه داخوازى حكوومهت عراق ئهنجام بگرێ و وهیهیش ئشاره كردگه ك توانایى ئاسمانى عراق نیاز وه ههڵسهنگاندن فهرماندهیل سهربازى دیرێ. شوان مهحهمهد تاها ئهندام لیژنهى ئاسایش و وهرگرى لهى باوهته وه شهفهق نیوز وتگه: له شوون ئهوهگ سهربازهیل ئهمریكا له خاك عراق دهرچن, هێز ئاسمانى ئهمریكا تویهنێ له خاك وڵاتهیل هاوساوه ئاسمان عراق بپارێزێ وهلى ئى كاره نیاز وهداخوازى حكوومهت عراق دیرێ.
تاها زیاتر ئاشكرایهو كردگه ك زانیاریهیل داكووكى كهن ك تهیارهیل جهنگى ئهمریكا تا ئیسهیش له تهیارهخانهى كهركوك و موسهناوه باڵهو گرن و له ئاسمان عراق پارێزگارى كهن لهوهر ئهوهگ وهگورهى رێككهفتننامهى سوفا هێزهیل ئهمریكى بایهد تا كووتایى ئمساڵ دریژه بیهنه كردهوهیل پارێزگارى له ئاسمان عراق.
جى باسه حهسهن سنێد سهروك لیژنهى ئاسایش و وهرگرى له پهرلهمان عراق چهن رووژ لهیهو وهر وت: ئاخرین تهیارهى ئهمریكى له 9ى تشرین دویم خاك عراق هیشتگهسهجى و لهیرهو دویا ههر تهیارهیگ وهبى ئاگادارى باێده ئاسمان عراق حهساو دوژمن ئهراى كریهێ و وهگورهى بڕیارهیل نیشتمانى و ناودهوڵهتى وهلیا رهفتار كریهێ.
| < پێشتر | دواتر > |
|---|
