شهفهق/ ژمارهیگ له شارهیل كوردنشین سوریا دویهكه شایهت خوهى نیشانداینهیل گهورایگ دژ وهرژیم ئهسهد
و پشتگیرى كردن له ئهنجوومهن نیشتمانى كوردى بوى ك لهى دویاخره دامهزریاگه.
ئهنجوومهن نیشتمانى كورد له سوریا له كووتایى مانگ گوزهیشته دامهزریا و نزیكهى 200 كهس له سیاسهتمهدارهیل و رووشنهویرهیل و بى لایهنهیل و نوێنهر ده حزب كوردستانى گردگهسه خوهى.
نوێنهر پارت دیموكرات كورد سوریا له ههرێم كوردستان بههجهت بهشیر لهى باوهته وهئاژانس دهنگوباس كوردستان وتگه: چهنهها شار كوردنشین سوریا دویهكه شایهت خوهى نیشانداین گهوراى مهردم بویه و دهیان ههزار هاووڵاتى كورد لهو چالاكیه بهشدارى كردنه. بهشیر زیاتر ئاشكرایهو كردگه ك ئهو خوهى نیشانداینهیله ك له شارهیل قامشلى و عامودا و دهرباسیه سهر وه پارێزگاى حهسهكه رێكخریانه ئهرا نیشانداین پشتگیرى له ئهنجوومهن نیشتمانى كوردى و شوڕش مهردم سوریه بویه ك كهفتنهسه وهر پهلامارهیل سهركوت كردن هێزهیل ئاسایش رژیم بهعس سوریا.
جى باسه ئهنجوومهن نیشتمانى كوردى وهئامانج توندكردن ناڕهزایهتیهیل ئهرا رمانن رژیم سوریا و پهیاكردن ریگهچارهیگ ئاشتیانه ئهرا كیشهى كورد له بان بنهواى حهق دیارى كردن چارهنویس كورد دامهزریاگه.
| < پێشتر | دواتر > |
|---|
