شهفهق/ ئمڕوو دوشهممه بزووتنهوهی گۆڕان، له حكوومهت ناوهندی عراق تواست وهرجله دامهزريان
ههرێمهيل فدراڵی له عراق مادهی 140 جيوهجی بكاو كێشهی ناوچهيل داوڕياگ چارهسهر بكا.
لهيبارهو سهردار عهبدوڵڵا نوێنهر ليست گۆڕان له پهرلهمان عراق وه شهفهق نيوز وت: دامهزريان ههرێمهيل فدراڵی له عراق شايهد چارهسهر گونجياگيگ ئهرا كێشهيل وناكووكيهيل سياسی عراق بوود، وهلی تا مادهی 140 جيوهجی نهكريهێد و كێشهی ناوچهيل داوڕياگ چارهسهر نهكريهێد، حكوومهت ناوهندی نهبايهد بيلێد هويچ ههرێميگ دامهزريهێد.
ناوبرياگ زياتريش وت: دهستور عراق ههق وهههرێمبوين داسه پارێزگايهيل، وهلی ئيمه سياسهتمهدارهيل عراق نهبايهد ناكووكيهيل و كێشهيل ناونيمان بكهيمنه بنهوای دامهزرانن ههرێمهيل فدراڵی له عراق.
جى باسه، مادهی 140 دهستور عراقی ك له ساڵ 2005 پهسهن كريا تايبهته وه چارهسهر كێشهی ناوچهيل داوڕياگ له خاك ههرێم كوردستان.
| < پێشتر | دواتر > |
|---|
