شهفهق/ پهرلهمانتاريگ سهر وه فراكسیۆن هاوپهیمانی كوردستان داوا كرد سهرۆك وهزیر عراق بانگهێشت
پهرلهمان بكريهێ تا رونكردنهوه بياد لهبان ههڵمهت دهسگیركردن ئهندامهیل حزب بهعس قهدهغهكرياگ.
مهحمود عوسمان پهرلهمانتار فراكسیۆن هاوپهیمانی كوردستان، گومان خوهی نیشاندا له ههنگاوهیل ئهى دوياخرهی حكوومهت عراق ك تایبهتن وهدهسگیركردن ژمارهیگ لهئهندامهیل حزب بهعس قهدهغهكرياگ وهتۆمهت پلان ڕشانن ئهرا شيوانن ئاسایش و ئارامی وڵات.
لهلایهن خوهيشیهو كهمال ساعدی پهرلهمانتار سهر وهدهوڵهت یاسا، بيجگه له پشتیوانیكردن لهههڵمهت دهسگیركردن ئهندامهیل حزب بهعس، لهههمان وهخت پيشبینی كرد دويای دهسوهپيكردنهوهی دانیشتنهیل پهرلهمان عراق له(26) ئهى مانگه، نوری مالكی بانگهێشت پهرلهمان بكريهێ تا روونكردنهوهی زیاتر بياد لهبان دۆسێهی دهسگیركردن بهعسیهيل.
| < پێشتر | دواتر > |
|---|
