شهفهق/ مهسعود بارزانی، سهرۆك ههرێم كوردستان سهبارهت وه شيوانن تهسريحهيل ئهى دوياخريه ك له
كهركووك كرياويد لهبان پرس ناسنامهی كهركووك وت " گفتوگوو له بارهی پرس كوردستانیبوين كهركووك نهكرديمنهو نيهكهیمنيش".
سهرۆك ههرێم كوردستان له لاپهڕهى تایبهت خوهى لهبان تووڕ كومهڵایهتی فهیسبووك پهیامێگ بڵاوهو كردگهسهو لهبارهی مهسهلهی كوردستانیبوين كهركووك و وتگه "ئيمه گفتوگوو لهبارهی پرس كوردستانیبوين كهركووك نهكرديمنهو نيهكهيمنيش و ئهو مهسهلهيشه ئهرا ئيمه له روی مێژوویی و جوگرافی و واقیعییهو یهكلایی بويهسهو".
ههميش لهو پهیامه سهرۆك ههرێم كوردستان ئويشێ "ئيمه ماددهی 140 دهستوور قهبول كرديمن تا مهسهلهگه وهشيوهیگ دهستووری و یاسایی چارهسهر بكريهێ وهگهرنه ئيمه هویچ گومانێگ له كوردستانیبوين كهركووك نهيريمن".
| < پێشتر | دواتر > |
|---|
