شهفهق/ وهڕێهووهر ناحیهى سهعدیه سهر وه قهزاى خانهقین ئاشكرایهو كرد ك
رێكخریاگ قاعده و پاشمهنهى بهعسیهیل ناوچهگه دهس خستنهسه ناو دهزگایهیل حكوومى ناوچهگه.ئهحمهد زهرگووشى له تهسریحیگ ئهرا شهفهق نیوز وتگه: زورم ئهو تیرۆریستهیله ك لهلایهن دهزگا ئهمنیهگان دهس وهسهر كریهن دهس وهجی له لایهن دهزگا قهزایهگان ئازاد كریهن و یهیش نیشانهى ئهوهسه ك كهسهیلى له رێكخریاگ قاعده و پاشمهنهى بهعسیهیل دهسهڵات له دهزگا حكوومیهگان ناوچهگه دیرن.
زهرگووشى زیاتر ئاشكرایهو كردگه ك وهزع ئهمنى ناحیهى سهعدیه سهقامگیر نیه و تائیسه ژمارهیگ له هاووڵاتیهیل بى گونا و سهربازهیل سوپاى عراقى و هێزهیل پۆلیس كوژیانه.
وهڕێهووهر ناحیهى سهعدیه ههمیش له دهزگایهیل ئاسایشى خواستگه شوون گردهوبوین تیرۆریستهیل دهسنیشان و دهسگیریان بكهن و له شوون تهحقیق كردن وهلیان ئهوانهگ بى گونان ئازاد بكریهن و گونابارهیلیش ك دهس لهكوشتن مهردم و هێزهیل ئاسایشى داشتنه بیهنه دادگا تا وهسزاى عادلانهى خوهیان بڕهسن.
| < پێشتر | دواتر > |
|---|
