شهفهق/ ئئتلاف فراكسیونهیل كوردستانى تهئكید كردگه ك قسهى بڕێگ له سیاسیهیل
له باوهت یهگ كورد جوور میوان له عراق رهفتار ئهكا بى ئهرزشه و یهیش خستگهسه روى ك ئهوانهگ ئى قسهیله كهن له سهردهم رژیم دكتاتورى میوان كوردستان بوینه.مهحمود عوسمان ئهندام پهرلهمان عراق سهر وه فراكسیون هاوپهیمانى كوردستانى لهى باوهته وهشهفهق نیوز وتگه: ئهوانهگ ئویشن كورد جوور میوان له عراق رهفتار ئهكا قسهگهیان بى قیمهته و كورد ههمراێ نهخش بهرجهسته و دیاریگ له دروس كردن دهوڵهت تازهى عراق بازى ئهكا.
جى باسه جواد حهسناوى ئهندام پهرلهمان عراق سهروه فراكسیون ئهحرار سهر وه رهوت سهدر پیرهكه وت: تهسریحهگهى سهروك ههرێم كوردستان مهسعود بارزانى ك وتگه ئهگهر مللهت كوردستان داواى سهروهخوهیى بكا ئامادهس ئهرا ئهو ئامانجه جهنگ بكا وه تهقالایگ ئهرا لهیهك چهكانن یهكیهتى نیشتمانى عراق زانستگه و له بان یهیش تهئكید كردگه ك كوردهیل جوور میوان له عراق رهفتاركهن.
له باوهت داخوازى كورد سهبارهت وه دامهزرانن دهوڵهتیگ سهروهخوهى عوسمان وت: نهتهوهى كورد له بان چهن وڵاتیگ ناوچهگه بهشبهشهو كریاگه و وهزع سیاسى و ههرێمى لهى وهخته گونجیاگ نیه ئهرا دامهزرانن دهوڵهتیگ كوردى.
| < پێشتر | دواتر > |
|---|
