شهفهق/ ئئتلاف فراكسیونهیل كوردستانى ئاشكرایهو كردگه ك سهروكایهتى
ئهنجوومهن وهزیرهیل عراق راپۆرت لیژنهى مادهى 140 دهستور له باوهت ههڵوهشانهوهى بڕیارهیل لیژنهى كاروبار باكوور وهگرتگه ك لهلایهن ئهنجوومهن سهركردایهتى شۆڕش ههڵوهشیاگ دهرچگه. ئهشواق جاف ئهندام پهرلهمان عراق سهروه ئئتلاف فراكسیونهیل كوردستانى لهى باوهته وه شهفهق نیوز وتگه: لیژنهلا راسپاریاگ وهجیوهجى كردن مادهى 140 دهستور راپۆرتیگ له باوهت ههڵوهشاننهوهى بڕیارهیل لیژنهى وهناو (كاروبار باكوور) ئاماده كردگه و پێشكهش سهروكایهتى ئهنجومهن وهزیرهیلى كردگه تا ئهویش له شوون له یهكهوداینى بیهێدهى پهرلهمان ئهرا بڕیارداین كووتایى.
جاف زیاتر وتگه: راپۆرت لیژنهگه چهن خاڵ گردگهسه خوهى لهوانهیش داخوازى ههڵوهشانهوهى بڕیارهیل لیژنهى وهناو كاروبار باكوور ك ك لهلایهن رژیم دكتاتورى بهعس دهرچگه ئهرا وهعهرهب كردن ناوچهیل كوردنشین.
جى باسه ئهنجوومهن سهركردایهتى شۆڕش ههڵوهشیاگ له وهخت دهسهڵات خوهى لیژنهیگ وهناو كاروبار باكوور دامهزران ك تایبهت بوى وهئاڵشت كردن ناوچهى عهشرهتهیل كورد وه عهشایر عهرهبى و تهعریب ناوچهیل كوردنشین.
| < پێشتر | دواتر > |
|---|
