شهفهق/ موراد قهرهیلان یهكیگ له سهركردهیل پایهبهرز پارت كارگهرهیل كوردستان
ئویشێد: ههرێم كوردستان نیهچووده ژیر بار گوشارهیل توركیا و جهنگ كردن وهل پهكهكه و وههویچ شیوهیگ جهنگ له ناونى چهكدارهیل پهكهكه و پێشمهرگه روى نیهێد. قهرهیلان له دیمانهیگ وهل رووژنامهى رووداو ك له ژمارهى دویهكهى رووژنامهگه بڵاوهو كریا ئاشكراى كردگه ك سهروك ههرێم كوردستان مهسعود بارزانى تهقالا ئهكا له رێ سیاسى كیشهى كورد له توركیا چارهسهر بكا و ئیمهیش توایم كیشهگهمان لهڕێ گفتوگوو چارهسهر بكریهێ.
ئى سهركردهى پهكهكه له باوهت گفتوگووى حزبهگهى وهل دهوڵهت توركیایش وتگه: لهى ساڵهیل دویاخره توركیا و پهكهكه وهل یهكا گفتوگوو كردنه و ئیسهیش مهسعود بارزانى سهروك ههرێم كوردستان و چهندین كهسایهتیتر تهقالا كهن پروسهى سیاسى له ناونى ههردولا بخهنه رێ.
موراد قهرهیلان له بهشیگ ترقسهگانى خهوهر كردهوهیل سهربازى هاوبهش توركیا وهل ئیران دژ وه چهكدارهیل پهكهكه خستگهسه دروو و وتگه: ئیسه ئاگربهس له ناونى پهژاك و ئیران جیگیره و ههردولا پابهندن وهو ئاگربهسه و یهیش ئهرا ئیمه مایهى دڵخوهشیه.
| < پێشتر | دواتر > |
|---|
