شهفهق/ لیژنهى ئاسایش له ئهنجوومهن پارێزگاى بهغدا دویهكه ئاشكرایهو كرد ك
شانهیلیگ ئستخباراتى له ئهنجوومهنهیل شارهوانى ئهرا پشتگیرى كردن دهزگایهیل ئهمنى شار بهغدا دامهزریاگه و له بان یهیش داكووكى كردگه ك بهرنامهیگ چڕوپڕ دانریاگه ئهرا بهرقهرارى ئاسایش و سهقام له سهرجهم ناوچهیل بهغداى پایتهخت.عهبدولكهریم ئهلزهرب سهروك لیژنهى ئاسایش له ئهنجوومهن پارێزگاى بهغدا له تهسریحیگ ئهرا شهفهق نیوز وتگه: لیژنهگهى شانهیگ ئستخباراتى له ئهنجوومهنهیل شارهوانى دامهزرنێد ئهرا گردهوكردن زانیارى ئهرا دهزگایهیل ئاسایشى و یهیش خستگهسه روى ك لیژنه ئاسایشیهگه له ئهنجوومهن پارێزگا خهریك دانان پلانهیل وههاوكارى وهل فهرماندهیى پرۆسهیل ئهمنى و ئیسه ئهو پلانهیله جیوهجى كریهن.
زهرب وهیهیش ئشاره كردگه ك لیژنه ئهمنیهگه زانیارى ئستخباراتى ئهرا فهرماندهیى پرۆسهیل گردهو ئهكا و تا ئیسه ژمارهیگ له تیرۆریستهیل و كویهنه بهعسیهیل ك هانه تهما بار ئهمنى بهغدا بشیونن دهسگیركریانه.
جى باسه بهغداى پایتهخت لهى مانگه شایهت چهندین كردهوهى تیرۆریستى بوى ك ژمارهیگ له هاووڵاتیهیل بوینه قوروانى ئهو كردهوهیله.
| < پێشتر | دواتر > |
|---|
