شهفهق/ سوپاى ئهمریكا ئاشكرایهو كردگه ك ئیران ئامادهس وهشیوهى وهردهوام
سهروهرى عراق پاشیل بكا و له ههمان وهختیش تاران وهپشتگیرى كردن توندوتیژى له عراق تاوانبار كرد و له بان یهیش تهئكید كردگه ك بهغدا ئامادهس له وهراوهر ئهو دهسدریژیهیله بووسێد. جۆنسۆن بیرى قسهكهر وهناو هێزهیل ئهمریكا له عراق له تهسریحیگ ئهرا شهفهق نیوز وتگه: ئیران له ڕێ دهسمهیهت داین سیاسهتهیل توندوتیژى و گروپه چهكدارهگان وهشیوهى وهردهوام سهروهرى عراق خهێده ژێر پا.
ئى تهسریح جۆنسۆن بیریه له وهختیگه ك هیلارى كلینتۆن وهزیر كاروبار خارجیهى ئهمریكایش ئیران تاوانبار وه دخالهت كردن له كاروبار ناوخوهیى عراق كردگه و لهههمان وهختیش وشدار داسه تاران ك ههرچهن ئهمریكا سهربازهیل خوهى له عراق بهێده دهیشت وهلى پابهنده وهئهركهگانى لهى وڵاته.
قسهكهر هێزهیل ئهمریكا زیاتر وتگه: ئیمه هایمه ئهو باوهڕه ك عراق بایهد پهیوهندى وهل سهرجهم هاوسایهیلى داشتوود وهلى لهبان رێزگردن له سهروهرى وڵات و دویرى له ههر كاریگهرى نهرێنى.
| < پێشتر | دواتر > |
|---|
