شهفهق/ ئمڕوو شهممه، فراكسیۆن عراقیهى چهرمگ ، لهبان ئهو خودنیشانداینهیل
مهردمیه ك له سهفوان مهرزى ئهنجام دریا، تهئكید كرد وه ئهوهك كاردانهوهیگ تویڕهیى بویه ئهرا سهرپیچیهیل دهوڵهت كوهیت. قسهكهر وهناو فراكسیۆن عراقیهى چهرمگ له بهیانیگ ك كۆپییگى رهسیهسه "شهفهق نیوز" وتگه: ئهو خودنیشانداینهیل مهرز سهفوانه بویه مایهى تویڕهیى عراقهیهیل لهوهرانوهر دهسڵاتدارهیل كوهیتى دهرئهنجام ئهو سهرپیچى وهردهوامه لهبان سهروهرى عراق و ریزنهگرتن له ههق هاوسایهتى و بهڵگهنامهیل ناودهوڵهتى.
ههر لهى باوهتهو لیژنهیگ تهكنیكى ك له شارهزایهیل پێكهاتوید وه سهرۆكایهتى سهرۆك دهسهى راویژكارهیل له نویسینگهى سهرۆك وهزیرهیل سامر غهزبان لهسهردانیگ ئهرا كوهیت له مانگ ئاب گوزهیشته، وهل وهرپرسهیل ئهو وڵاته لهبان مهسهلهى دامهزرانن بهندهر موبارك قسهو گفتوگوو كرد، وهلى لایهن وهرانوهر تا ئیسهیش هویچ راپۆرتیگ لهى ڕویهو پیشكهش نهكردگه.
جى باسه: وهرپرس و شارهزایهیل لهیوا دوینن ك دامهزرانن ئهو پروژه له گرنگى بهندهرهیل عراق كهمهو ئهكا.
| < پێشتر | دواتر > |
|---|
