شهفهق / وهگوورهی سهرچهوهيل ههواڵ پرۆفيسۆريگ ئهمریكى وتگه مللهت كورد له ئاینده
له دهوڵهت عێراق جیاوه بوود و دهوڵهت سهروهخوهى ئعلان ئهكا.پرۆفیسۆر ویلیهم بی كواندت William B. Quandt، پرۆفیسۆر زانستهيل سياسی له زانکۆی فیرجینیا، خاون كتاو "سێگۆشهى گرفتار"ه، له بارهى پهیوهندییهىل ناونی ئسرائیل و توركیا و ویلایەتەيل یهكگرتگ ئهمریكا. ئینستیتیوت ڕووژههڵات ناوڕاس ئهرا لێکوڵێنهوهیل تورکی سهمینارێگ له بارهى كتاوهگهى رێكخست.
ویلیهم بی كواندێت، له سیمنیارهگه رووشنايی خسته بان بارودوخ كورد له رووژههڵات ناوڕاس و لهبارهى ههرێم كوردستانهو وت" وه باوهڕم كورد له باكوور عێراق ئهخوازن جیاوه بوون، ئهوان خاون ئاڵاو حكوومهت و پهرلهمان و سهرۆك خوهیانن، ئحتمال ديرێ له ساڵهيل ئاينده كورد جیاوه بوود و دهوڵهت سهروهخوهى كوردى دروس بكا".
قسهيل كواندێت جوواويگ بوين ئهرا قسهيل گونێل تۆل، سهرۆك ئینستیتیوت ڕووژههڵات ناوڕاس ئهرا لێکوڵێنهوهیل تورکی، ك وت "كوردهيل واقعبینن، زانن وجود دهوڵهت كوردى سهروهخوهی لهلاى توركیاو ئيران و عێراق و سوریا قبول نيهكریهێ، ههميش وهی دوياخرهيليشه لێكۆڵینهوهیگ داشت ك كورد له توركیا سهروهخوهیی ناخوازن، و وهباوهڕم له بهشهيل تريش راس بوود".
| < پێشتر | دواتر > |
|---|
